លោក គិន ភក្តី អភិបាលស្រុកកោះអណ្តែត បានដឹកនាំក្រុមការងារប្រយុទ្ធប្រឆាំងកូវីដ -១៩ ថ្នាក់ស្រុក ព្រមទាំងសហការី រួមសហការជាមួយការិយាល័យសុខាភិបាលស្រុកប្រតិបត្តិកោះអណ្តែតបានបន្តចុះយកសំណាកបងប្អូនប្រជាពលរដ្ឋដែលបានប៉ះពាល់ផ្ទាល់និងប្រយោលជាមួយអ្នកមានវិជ្ជមានកូវីដ-១៩ នៅក្នុងភូមិ តាបួរ ឃុំ ពេជសារ ស្រុកកោះអណ្ដែត ខេត្តតាកែវ ។
ឆ្លៀតក្នុងឱកាសនោះដែរលោកអភិបាលស្រុកក៏បានណែនាំដល់បងប្អូនប្រជាពលរដ្ឋដែលបានយកសំណាករួច ត្រូវរក្សាអនាម័យ រក្សាគម្លាត ព្រមទាំងគោរពនូវវិធានការការពារ ៣ការពារ ៣កុំ និងវិធានការការពាររបស់ក្រសួងសុខាភិបាល ដើម្បីទប់ស្កាត់ ការរីករាលដាលនៃជំងឺកូវីដ-១៩ក្នុងឱ្យឆ្លងបន្តចូលក្នុងសហគមន៍។
ថ្ងៃអាទិត្យ ៣រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៧ ខែមិថុនា ឆ្នាំ២០២១
