ឯកឧត្តម គី តិច ប្រធានក្រុមមេធាវីរាជរដ្ឋាភិបាលកម្ពុជា ប្រធានក្រុមមេធាវីស្មគ្រ័ចិត្តសម្តេចតេជោសែន និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំក្រាំងធ្នង់ រួមជាមួយសហការី អមដំណើរដោយលោកភួន ឈីម អភិបាលនៃគណអភិបាលស្រុកបាទី លោកមេឃុំក្រុមប្រឹក្សាឃុំ លោកអធិការរងស្រុក ប៉ុស្តិ៍រដ្ឋបាលឃុំ បាននាំយកបច្ច័យ ព្រមទាំងទៀនវស្សាមកប្រគេនព្រះសង្ឃគង់ចាំព្រះវស្សាក្នុងវត្តចំនួន០៣ មានវត្តទន្លេបាទី វត្តទេពបូរី វត្តអង្គបរិច្ចាគ ដែលស្ថិតនៅក្នុងឃុំក្រាំងធ្នង់ ស្រុកបាទី ហើយត្រូវចំណាយបច្ច័យអស់ចំនួន៤,៥០០,០០០រៀល ។
ថ្ងៃព្រហស្បតិ៍ ៥រោច ខែទុតិយាសាឍឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៩ ខែកក្កដា ឆ្នាំ២០២១
